СТАНЬ VIP

Մանկական երգեր

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Մանկական երգեր

Сообщение:#71  Сообщение Vard » 19 окт 2012, 22:27

«Ծովակ»

Խոսք՝ Րաֆֆու,

երաժշտ.՝ ըստ Կոմիտասի

Ձա'յն տուր, ո՜վ ծովակ, ինչո՞ւ լռում ես.
Ողբակից լինել չկամի՞ս դժբախտիս:
Շարժեցե'ք, զեփյո'ւռք, ալիքը վետ-վետ.
Խառնեք արտասուքս այս ջրերիս հետ:

Հայաստանի մեջ անցքերին վկա,
Սկզբից մինչ այժմ, խնդրեմ ինձ ասա',
Մի՞թե միշտ այսպես կմնա Հայաստան
Փշալից անապատ, երբեմն բուրաստան:

Մի՞թե միշտ այսպես ազգը խղճալի,
Կլինի ծառա օտար իշխանի,
Մի՞թե աստուծո աթոռի մոտին
Անարժան է հայն ու հայի որդին:

Արդյո'ք գալո՞ւ է մի օր, ժամանակ,
Տեսնել Մասիսի գլխին մի դրոշակ,
Եվ ամեն կողմից պանդուխտ հայազգիք
Դիմել դեպ յուրյանց սիրուն հայրենիք:

Դժվա'ր այդ. միայն տեսուչդ վերին,
Կենդանացրո'ւ հայության ոգին,
Ծագի'ր նոցա դու քո լույս գիտության,
Որով իբր էակ նոքա բանական
Կճանաչեն մարդուս կյաքի խորհուրդը,
Կլինին գործովք տիրոջ փառաբան:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#72  Сообщение Vard » 19 окт 2012, 22:28

«Հայոց աղջիկ»

Խոսք՝ Ռ. Պատկանյանի

Դու տեսե՞լ ես երկընքումը
Պայծառ լուսին ծագելիս,
Կամ թե՝ կանաչ տերևի մեջ
Կարմիր ծիրան փայլելիս:

Դու տեսե՞լ ես ծաղկոցումը
Կարմիր վարդը փըթըթած,
Շուշան, մեխակ ու նունուֆար
Չորս բոլորքը պար բըռնած:

Նազուք մեջքը ծառի նըման
Տատանում է գեղեցիկ,
Մե'կ թռչում է նա անգուման,
Մե'կ գընում է խիստ հեզիկ:

Հալվում է խեղճ կարիճների
Սիրտը՝ նորան տեսնելով,
Ծերը իրան անիծում է,
Որ ծերացավ խիստ շուտով:

Բայց լուսինը խիստ խավար է
Հայ աղջկա առաջին,
Ծիրան, մեխակ ու նունուֆար
Չարժեն նորա մեկ պաչին:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#73  Сообщение Vard » 19 окт 2012, 22:30

«Արի մեկ տեսնեմ»

Իմ մայր Հայաստանի, մայր հողից ծնված,
Աննման գեղեցիկ, արի մեկ տեսնեմ,
Հայրենիքիս զով հովերով փայփայված,
Ծաղիկներից ծաղիկ, արի մեկ տեսնեմ.
Արի մեկ տեսնեմ, կարոտս առնեմ,
Համբույրս, անուշ յար, համբույրիդ խառնեմ:

Քո սիրուդ թևերով շատ սարեր անցա,
Շատ մարդ տեսա, սակայն քեզ չմոռացա,
Էլի ջերմ կարոտով քո գիրկը դարձա,
Աշխարհիս անուշիկ, արի մեկ տեսնեմ,
Արի մեկ տեսնեմ, կարոտս առնեմ,
Համբույրս, անուշ յար, համբույրիդ խառնեմ:

Աշխուժ հոգուս առջև սիրուններ պես-պես,
Հանդես եկան վառ դեմքերով հրակեզ,
Հոգուս աստղը կրկին դարձավ դեպի քեզ,
Լուսաշող հայ աղիկ, արի մեկ տեսնեմ.
Արի մեկ տեսնեմ, կարոտս առնեմ,
Համբույրս, անուշ յար, համբույրիդ խառնեմ:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#74  Сообщение Vard » 19 окт 2012, 22:31

«Խնձորի ծառի տակին»

Խընձորի ծառի տակին,
Խընձորի ծառի տակին,
Ես իմ յարը սիրեցի,
Խընձորի ծառի տակին,
Խընձորի ծառի տակին:

Յար ջան, դու բարով եկար,
Կարմիր սոլերով եկար,
Հե՜յ խորոտիկ իմ յարըս,
Հե՜յ անուշիկ իմ յարըս,
Խնջիկ մնջիկ մի անի,
Խընձորի ծառի տակին:

Ծառեր դուք իրար միք տա,
Ճըղեր, դուք էլ բար միք տա.
Ես իմ յարը սիրեցի,
Խընձորի ծառի տակին,
Խընձորի ծառի տակին:

Յար ջան, դու բարով եկար...
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#75  Сообщение Vard » 19 окт 2012, 22:32

«Կռունկ Հայաստանի»

Բարով եկար, սիրուն կռունկ,
Ի՞նչ լուր բերիր հայրենիքես,
Խոսի'ր ինձ հետ ազատորեն,
Կյանքս կնվիրեմ ես քեզ:

Տեսա՞ր իմ հայրենյաց տունը,
Գեղեցիկ զարդարված բույնը,
Նորա սիրուն ես տանջված եմ,
Աչքերիցս կտրավ քունը:

Ազատ տեսա՞ր մեր լեռները,
Հաղորդեցի՞ր դու իմ սերը,
Այն լեռներու պաշտպանողը`
Արծըվի կորյուն ճտերը:

Տեսա՞ր մեր փոքրիկ բուրաստան,
Վարդ, մեխակ, շուշաններ շատ կան,
Եդեմական դրախտավայր, -
Նա կոչվում է Մայր-Հայաստան:

- Այնտեղ ունիս եղբայր ու քույր,
Միջազ, ի՞նչ կսպասես իզուր,
Արի', առնեմ իմ թևերուն,
Գնանք, այնտեղ ուրախացուր:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#76  Сообщение Vard » 19 окт 2012, 22:34

«Ընկեր»

Ջիվանի

Բարի, գեղեցիկ, առաքինի ընկերը մարդուն,
Փայլեցնում է արևի պես պատկերը մարդուն,
Ինչ մարդ ունենա յուր մոտը հավատարիմ ընկեր`
Ցերեկի նման անցնում է մութ գիշերը մարդուն:

Կյանքըդ նվիրես ընկերի լավին, քիչ է դարձյալ,
Այնպեսն է հոգեկան լուսատու լապտերը մարդուն,
Ընկեր եմ ասում` հաստատակամ, ճշմարիտ ընկեր,
Որ բարձրացընե աստիճանը միշտ վերը մարդուն:

Թշնամիները իր վերա գալած ժամանակը,
Կտրիճ հարազատ ընկերըն է` սուսերը մարդուն,
Ով որ ունենա մըտերիմ ընկեր, Ջիվան աշըղ,
Չի' սպիտակիլ ամենևին մեկ հերը մարդուն:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#77  Сообщение Vard » 19 окт 2012, 22:35

«Պաղ աղբյուրի մոտ»

Ջիվանի

Պաղ աղբյուրի մոտ կանգնած մի աղջիկ,
Ձեռին սափոր բռնած, ջուրն էր անուշիկ,
Աչք ունքը ղալամով քաշած գեղեցիկ.
Մայրիկ զարնվեցա` սիրում եմ նորան.
Մի փոքրիկ ակնարկով արավ ինձ նշան:

Պաղ աղբյուրի մոտ պարտիզում նստած.
ՈՒնեինք լավ գինի, գառան խորոված,
Երգում էին պարում շրջան բոլորած.
Մայրիկ զարնվեցա` սիրում եմ նորան.
Մի փոքրիկ ակնարկով արավ ինձ նշան:

Ման էր գալիս ընկերներով միասին,
Կարծես հրեշտակ էր, չէր նա հողածին,
Մազերն ոսկեգույն, ճակատը լուսին.
Մայրիկ զարնվեցա` սիրում եմ նորան.
Մի փոքրիկ ակնարկով արավ ինձ նշան:

Երանի այն ավուր, հազար երանի,
Տեսության ես կրկին լինեմ արժանի,
Առանց նորան երբեք չեմ մնալ կենդանի.
Մայրիկ զարնվեցա` սիրում եմ նորան.
Մի փոքրիկ ակնարկով արավ ինձ նշան:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#78  Сообщение Vard » 19 окт 2012, 22:39

«Աղվեսն էկավ»

Աղվեսն էկավ լանջիկ, մանջիկ,

Վո՜ւյ, վո՜ւյ, վո՜ւյ,
Աչքը գըցեց չալ հավի ձագին,
Վո՜ւյ, վո՜ւյ, վո՜ւյ,
Սիրտը ուզեց հավի քարճիկ,
Վո՜ւյ, վո՜ւյ, վո՜ւյ,
Վա՜յ, վո՜ւյում չալիկ,
Չալմալուրիկ, չալպըտուրիկ,
Տըռշտահոտ, տըմբլա ճուտիկ,
Ղաշխակըտիկ, տըռըզիկ ճուտեր,
Վո՜ւյ, վո՜ւյ:

Աղվես պառկեց աղբի տակին,
Վո՜ւյ, վո՜ւյ, վո՜ւյ,
Նետով կըտամ աչքի տակին,
Վո՜ւյ, վո՜ւյ, վո՜ւյ,
Որ մոտ չըգա նա մեր բակեն,
Վո՜ւյ, վո՜ւյ, վո՜ւյ,
Վա՜յ, վո՜ւյում չալիկ...
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#79  Сообщение Vard » 19 окт 2012, 22:40

«Գառնիկն ու մայրը»

Ինչո՞ւ կուլաս դու, գառնիկ:

Խիստ ծեծ կերա ես, մայրիկ...

Քեզ ո՞վ ծեծեց, իմ գառնիկ:

Մի կախարդ պառավ կնիկ...

Ինչո՞ւ ծեծեց քեզ, գառնիկ:

Ծառի տակն էի, մայրիկ:

Ինչո՞վ ծեծեց քեզ, գառնիկ:

Մի մեծ փայտով, իմ մայրիկ:

Ո՞ր տեղիդ զարկեց, իմ գառնիկ:

Տոտիկներիս, իմ մայրիկ:

Ինչպե՞ս լացիր, իմ գառնիկ:

Մէ՜, մէ՜, մէ՜, մէ՜, - իմ մայրկ:
Аватара пользователя
Vard (Автор темы)
Супермодератор
Супермодератор
Информация: Показать детали

Մանկական երգեր

Сообщение:#80  Сообщение Vard » 19 окт 2012, 22:42

«Փափուռի»

Նանայ, նանայ, փափուռի,

Նանայ, նանայ, փափուռի,

Փափուռի ջան, փափուռի,

Փափուռի ջան, փափուռի:


Ջուր է գալիս էն սարից,

Կաթում է մարմար քարից:


Արև ելավ էն սարից,

Կաքավ կանչեց էն քարից:

Խնձոր ես ծառի վրա,

Ծաղիկ ես սարի վրա:

Անուշ տաղ ասող բըլբուլ,

Կանգնել ես քարի վրա:
Аватара пользователя
Vard (Автор темы)
Супермодератор
Супермодератор
Информация: Показать детали



Вернуться в Արվեստ և գրականություն



 


  • Похожие темы
    Комментарии
    Просмотры
    Последнее сообщение